डाक्टरलाई १०० प्रतिशत भत्ता
सुनसरी– इटहरी उपमहानगरपालिकाका मेयर द्वारिकलाल चौधरीले स्वास्थ्यकर्मीलाई १०० प्रतिशत भत्ता दिने घोषणा गरेका छन् ।
इटहरी उपमहानगरले जोखिम मोलेर काम गर्ने स्वास्थ्यकर्मीहरुलाई सतप्रतिशत सम्म जोखिम भत्ता दिने निर्णय गरेको मेयर चौधरीले जानकारी दिए । उनका अनुसार क्वारेण्टाइनमा खट्ने डाक्टर, नर्स तथा स्वास्थ्यकर्मीहरुलाई खाइपाइ आएको तलब जति नै शतप्रतिशत जोखिम भत्ता दिइने छ ।
अस्पताल र स्वास्थ्य संस्थाहरुमा खट्ने स्वास्थ्यकर्मीलगायतलाई ७५ प्रतिशत र प्रशासनका कर्मचारीहरुलाई ५० प्रतिशत भत्ता दिइने निर्णय भएको उपप्रमुख लक्ष्मी गौतमले जानकारी दिइन् ।