चीसोमा बालबालिकालाई निमोनिया हुनबाट कसरी बचाउँने ?
दिनप्रतीदिन चिसो बढदै गइरहेको छ । चिसो बढेसँगै रुघा खोकि जस्ता विभिन्न स्वास्थ्य समस्याहरु पनि बढ्ने गर्दछ । चिसोमा बालबालिका र जेष्ठ नागरिकहरुलाई यस्ता समस्याको जोखिम अझै बढि हुने गर्दछ ।
विशेषगरी ५ वर्षभन्दा मुनिका बालबालिकाहरूलाई चिसोबाट जोगाउन नसक्दा विभिन्न समस्याले पिरोल्ने गर्दछ । सामान्य लाग्ने रुघाखोकीलाई बेवास्ता गर्दा निमोनियाको रुप लिन सक्छ ।
धेरै जसो चिसोयाममा बालबालिकामा रुघाखोकी, पिनास, टन्सिलाइटिस, फ्लोरिन्जाइटिस (स्वर भासिने), ब्रोन्काइटिस, निमोनिया जस्ता समस्या बढी मात्रामा देखा पर्ने गर्दछ । बालबालिकाहरूमा श्वासप्रश्वाससम्बन्धी कुनै समस्या देखा परेमा तुरुन्त चिकित्सकलाई परिक्षण गराउँनुपर्छ ।
चिसो मौसममा भाइरस वा किटाणु सक्रिय हुने भएकाले निमोनियाको जोखिम उच्च हुने गर्दछ । रोग प्रतिरोधात्मक क्षमता कमजोर भएका व्यक्तिलाई निमोनियाले छिट्टै समात्ने गर्दछ ।
निमोनिया फोक्सो सम्बन्धि रोग हो । यो जुनसुकै उमेरसमुहका मानिसलाई हुनसक्छ तर यसको जोखिममा खासगरी ५ बर्षमुनिका बालबालिका हुने गर्दछन् । भाइरसबाट हुने निमोनिया सर्पोटिभ कियरले निको हुन्छ भने व्याक्टोरीयाबाट हुने निमोनियामा कडा किसीमको ज्वरो आउने, स्वाँ स्वाँ हुने जस्ता समस्या देखिने भएकाले औषधि नै सेवन गर्नुपर्ने हुन्छ ।
निमोनियाबाट बच्नका लागी तातो कपडा लगाउने तातो खानेकुराहरु खानुपर्छ ।
मानिसहरुको भिडभाडमा जाानु हुदैँन ।
निमोनिया बिरुद्धको खोप लगाउनुपर्छ ।
( डा .सोनसी गोन्गोल इशान बाल अस्पतालमा कार्यरत छिन् ।)
