जेष्ठ १०, २०८२ शुक्रबार

सहारा नेपाललाई ‘लाइफटाइम सर्पोटर मेम्बर’ सम्मान

बिर्तामोड । सहारा नेपाल साकोस इन्डोनसियाको बालीमा ‘लाइफटाइम सर्पोटर मेम्बर’ को रुपमा सम्मानित भएको छ । एसोसिएसन अफ कन्फेरेडेसन अफ क्रेडिट युनियन (अकु) को आयोजनामा भएको कार्यक्रममा सहारा नेपाललाई सम्मान गरिएको हो ।

संसारभरमा २० वटाभन्दा बढी मुलुकका उत्कृष्ट सहकारी संस्थाहरुका प्रतिनिधि सहभागी कार्यक्रममा संस्थालाई सो अवार्ड प्राप्त भएको संस्थाका कार्यकारी प्रमुख महेन्द्रकुमार गिरीले जानकारी दिए ।

सो अवार्ड संस्थाका तर्फबाट संस्थाका अध्यक्ष हरिबहादुर राजवंशीलगायतले ग्रहण गरेका थिए । अकु फोरममा अध्यक्ष राजवंशी, कार्यकारी प्रमुख गिरी, सञ्चालक समितिका प्रथम उपाध्यक्ष छविलाल खतिवडा, सदस्य नेत्रबहादुर नेपाल, उपनिर्देशक दिनेशबहादुर निरौला, मातृका सुवेदी लगायतको सहभागिता रहेको छ ।

सहारा नेपाल साकोसले यसअघि सन् २०१२ मा अकुबाटै क्युमी पर्फमेन्स अवार्ड, स्मार्ट सर्टिफिकेसन अवार्ड प्राप्त गरिसकेको छ । त्यस्तै, स्वावलम्बन विकास केन्द्रको तर्फबाट नेपालमा उद्यमशीलता विकास पुरस्कार पाइसकेको छ । सहाराका सदस्य एक लाख ७३ हजार ७०२ जना छन् ।

प्रकाशित मिति : भाद्र २१, २०८१ शुक्रबार  ७ : ०९ बजे

प्रतिक्रिया दिनुहोस्

इजलास मिडिया प्रा.लि द्वारा संचालित

कार्यालय सम्पर्क - बिर्तामोड ४,झापा
सूचना बिभाग दर्ता नं. : ३९९२- २०७९/०८०
सम्पर्क : ९८५२६४५०२८
ईमेल : [email protected]