बिर्तामोड । झापामा चट्याङको झट्का लागेर एक जनाको मृत्यू भएको छ । आज विहान पाँचथर मिक्लाजुङ गाउँपालिका वडा न.३ आरुभोटे स्थायी घर भई झापा गौरादह नगरपालिका वडा न. ५ बालुबथान बस्ने गोमनाथ चेम्जुङको खेतीमा काम गर्ने ५४ वर्षीय दुध कुमार लावतीको मृत्यु भएको हो ।

भान्सा कोठामा खाजा खाने क्रममा पानीसँगै परेको चट्याङको झट्का लागि सोही स्थानमा नै मृत्यु भएको भन्ने खबर इलाका प्रहरी कार्यालय दमकमा जानकारी गराइएको थियो ।

उक्त स्थानमा इलाका प्रहरी कार्यालय दमक र इलाका प्रहरी कार्यालय गौरादहबाट प्रहरी अधिकृत सहितको टोलीले मृतकको कानुनी प्रकृया पुरा गरी पोष्टमार्टमको लागि दमक अस्पताल दमक पठाईएको झापा प्रहरीले जनाएको छ ।