विर्तामोड । झापाका प्रमुख जिल्ला अधिकारी श्रवणकुमार तिमिल्सिनाले परिस्थितिलाई विश्लेषण गरेर पूर्ण निषेधाज्ञा गर्ने बताएका छन् । उनले हप्तादिनलाई निषेधाज्ञा गरिए पनि परिस्थिति अनुरुप थपिदैं जान सक्ने बताए ।

प्रजिअ तिमिल्सिनाले निषेधाज्ञामा गरिएका कतिपय व्यवस्थाहरु उल्लंघन भइरहेको जानकारी दिए । सवारीमा जोर–विजोर प्रणाली लागु गरिए पनि पूर्ण रुपमा लागु नभएको उनको भनाई छ । हामीले उल्लंघन गर्ने सवारीहरुलाई होल्ड गराई सम्झाई बुझाई गरिरहेका छौं, उनले थपे – यस्तै भइरहेमा पूर्ण निषेधाज्ञा अवश्य हुनेछ । परिस्थिति अनुसार सबै बन्द गर्न सकिने तिमिल्सिनाको भनाई छ ।