बिर्तामोड । नेकपा एमाले बिर्तामोडको निर्वाचनमा ४३१ मत खसेको छ । ४६७ मतमध्ये बाँकी मत नखसेको बताइएको छ । अन्तिम समयसम्म सहमतिबाट नेतृत्व चयन गर्न गरिएको प्रयास असफल भएपछि निर्वाचन भएको छ ।

मंगलवार दिउँसो २ बजेदेखि शुरु भएको मतदान ५ बजे सकिएको थियो । निर्वाचनमा अध्यक्षका लागि सुवास भट्टराई र उमानाथ ओली बिच प्रतिष्पर्धा भएको छ ।

यस्तै, उपाध्यक्षमा पुष्पा गौतम र उर्मिला खरेल बिच प्रतिष्पर्धा भएको छ । सचिवमा ३ जना, उपसचिवमा ८ जना र ४ सदस्यका लागि निर्वाचन गरिएको हो । बाँकी पदमा सर्वसम्मत भइसकेको छ । मंगलवार राती ८ः३० बजे देखि मत गणना शुरु गर्ने भनिएको छ ।
अध्यक्ष मण्डलका सदस्य बद्री भट्टराईका अनुसार बुधबार दिउँसो १ बजे घोषणा सभा एवम् शपथग्रहण कार्यक्रम जिल्ला पार्टी कार्यालयमा राखिएको छ ।