दोमुखामा आगलागी : दुई जना घाइतेको बिर्तासिटीमा उपचार हुँदै
बिर्तामोड । झापाको पर्यकटीय क्षेत्र दोमुखामा भीषण आगलागी हुँदा दुई जना घाइते भएका छन् । झापा प्रहरीका अनुसार घाइते दुवै जनाको बिर्तामोडस्थित विर्तासिटीमा उपचार भइरहेको छ ।
घाइते हुनेहरुमा शिवसताक्षी १० दोमुखा बस्ने ४३ वर्षीया बालिका भण्डारी र उनकै छोरी १४ वर्षीया अस्मिता भण्डारी रहेका छन् । आमाको दाहिने हात जलेको छ भने छोरीको अनुहार र हात जलेको प्रहरीको भनाई छ ।
बिहीबार राति एक बजेतिर सुरु भएको आगलागीबाट दोमुखामा रहेका चार होटल र एउटा युवा क्लबको भवन जलेको छ । आगलागीबाट भएको क्षतिको विवरण आउन बाँकी छ ।