बिर्तामोड । बिर्तामोड नगरपालिकाले असार १० गते अत्यावश्यक बोहक अन्य सेवाहरु बन्द गर्ने भएको छ । प्रमुख प्रशासकीय अधिकृत विनोद कुमार न्यौपानेले शुक्रवार अत्यावश्यक बाहेकका सेवा बन्द हुने जानकारी दिए ।

असार १० गते नगरसभा मार्फत बिर्तामोड नगरपालिकाले बजेट, नीति तथा कार्यक्रम ल्याउने भएको हुँदा अन्य सेवाहरु बन्द गरिएको एक सूचना मार्फत जानकारी दिइएको छ । स्वास्थ्य, दमकल र शववाहन बाहेकका सबै सेवा नगरसभाको अवधिभर बन्द हुने बताइएको छ । सेवा बन्दबाट हुने असुविधाप्रति नगरपालिका क्षमाप्रार्थी छ, सूचनामा भनिएको छ ।