बिर्तामोड । बिर्तामोड नगर प्रहरीले सडकमा फोहोर फाल्दै गरेको अवस्थामा पिकअप नियन्त्रणमा लिएको छ । नगर प्रहरीको गस्ती टोलीले आज विहान पूर्व पश्चिम लोकमार्ग अन्तर्गत बुट्टावारी नजिकै सडक किनारमा फोहोर फाल्दै गरेको अवस्थामा प्र १–०२–००२ च ५०७७ नम्बरको पिकअप नियन्त्रणमा लिएको नगर प्रहरी प्रमुख किरण पाण्डेले जानकारी दिए । प्रहरीले चालक राजेन्द्र लिम्बुसहित गाडी नियन्त्रणमा लिएको हो ।

राजमार्ग छेउमा जथाभावी रुपमा फोहोर फालेको भेटिन थालेपछि बिर्तमोड नगर प्रहरीले निगरानी बढाएको छ । प्रहरीले यसअघि पनि २ वडा गाडि नियन्त्रणमा लिएको थियो । नियन्त्रणमा लिएका गाडीलाई नगरपालिकाले ५ हजार रुपैंया जरिवाना गराउंदै आएको छ ।