राष्ट्रिय युवा संघविरुद्ध अनेरास्ववियुको गोल वर्षा
बिर्तामोड । केपी ओली कप फुटबल प्रतियोगिता सफल भएको अवसरमा आयोजित मैत्रीपूर्ण फुटबलमा अनेरास्ववियु झापा विजयी भएको छ ।
आज बिर्तामोडस्थित डोमालाल राजवंशी रंगशालामा आयोजित मैत्रीपूर्ण फुटबलमा राष्ट्रिय युवा संघ झापामाथि अनेरास्ववियुले गोल वर्षा गरेको थियो । अनेरास्ववियुले युवा संघमाथि ६ गोल गरेको थियो भने युवा संघले ३ गोल फर्काएको छ ।
राष्ट्रिय युवा संघ झापाले आयोजना गरेको मैत्रीपूर्ण फुटबलमा अनेरास्ववियुका नवनिर्वाचित केन्द्रीय सचिव मनोज ताम्लीसहित केन्द्रीय सदस्यहरुलाई सम्मान गरिएको अध्यक्ष फुर्वा तामाङले जानकारी दिए । उनका अनुसार केन्द्रीय सदस्यहरु रोशन लामा र रोशन भट्टराईलाई सम्मान गरिएको छ । नेकपा एमाले झापाका अध्यक्ष दिपक कार्कीको प्रमुख आतिथ्यतामा सम्पन्न भएको मैत्रीपूर्ण फुटबलमा युवा संघ र अनेरास्ववियुका नेता कार्यकर्ताहरु सहभागी थिए ।