विराटनगर । कोशी प्रदेशका मुख्यमन्त्री उद्धव थापाले आजै विश्वासको मत लिने बताएका छन् । संसद सचिवालयमा पत्रकारसँग कुरा गर्दै आजै विश्वासको मत लिने बताए ।

कार्यव्यवस्था परामर्श समितिको बैठक बसी आजै विश्वासको मत लिने कार्यसूची तय गरिने थापाले बताए ।

उनले विश्वासको मत कसरी लिने भनेर पत्रकारले राखेको जिज्ञासामा ‘तपाईँहरूलाई थाहा नै छ नि’ भन्दै पन्छिएका थिए ।

यसअघि सत्ता गठबन्धनले कानुनी परामर्श गरेका थिए । मुख्यमन्त्री थापाले आइतबार विश्वासको मत लिन चाहेका थिए । तर उपसभामुख सृजना दनुवारले सोमबार १ बजे समय तोकेकी थिइन् ।

प्रदेशसभाको बैठक बस्ने दिन बिहान उनी उपचारका लागि काठमाडौं हिँडेपछि सभा बस्ने नबस्ने अलमल भएको छ ।