बिर्तामोड । झापाको बिर्तामोड क्षेत्रमा बसोबास गर्ने अपाङ्गता भएका व्यक्तिहरुलाई सहयोग सामग्री बितरण गरिएको छ ।

बिर्तामोड अपाङ्गता स्वाबलम्बन संस्थाको आयोजना तथा नगरपालिकाको महिला बालबालिका शाखाको सहयोगमा सोमबार आयोजित एक कार्यक्रमका बिच उक्त सहयोग सामाग्री हस्तान्तरण गरिएको हो ।

समुदायमा आधारित पुर्नस्थापना कार्यक्रम अन्तर्गत अपाङ्गता भएका ब्यक्तिहरुलाई एकथान ह्वील चियर,एक थान हेयरिङ् एड÷एक जोडी बैशाखी र ४ जनालाई १० हजारका दरले बिउ पुँजी बितरण गरिएको संस्थाका सचिव हरीप्रसाद अधिकारीले जानकारी दिए ।

संस्थाका अध्यक्ष दिपक थापाको अध्यक्षतामा आयोजित कार्यक्रममा बिर्तामोड नगरपालिका वडा नम्बर ४ का वडा अध्यक्ष कुलप्रसाद संग्रौलाको प्रमुख आतिथ्यता रहेकोे थियो । संस्थाका सल्लाहकारद्धय रुपक खनाल र प्रकास भट्टराइले शुभकामना मन्तब्य राखेको कार्यक्रममा बोल्दै प्रमुख अतिथि संग्रौलाले संस्थाले गरेको कार्यको प्रशंसा गरेका छन् ।

अपाङ्गता भएका व्यक्ती र अभिभावकको समेत उपस्थिति रहेको कार्यक्रमको संचालन सचिब हरिप्रसाद अधिकारीले गरेका थिए ।