काठमाडौं । नेपाली बजारमा आज (मंगलबार) सुनचाँदीकै भाउ बढेको छ । ४ दिनदेखि प्रतितोला ७३ हजार ३ सय रुपैयाँमै स्थिर रहेको सुन मंगलबार प्रतितोला २ सय रुपैयाँले बढेको नेपाल सुनचाँदी व्यवसायी महासंघले जनाएको छ । 

महासंघका अनुसार छापावाला सुन आज प्रतितोला ७३ हजार ५ सय रुपैयाँ कायम छ । यस्तै तेजाबी सुन प्रतितोला  ७३ हजार २ सय रुपैयाँ निर्धारण गरिएको छ । 

सुनसँगै चाँदीको मूल्य पनि बढेको छ । सोमबार प्रतितोला ८ सय ९० रुपैयाँमा कारोबार भएको चाँदी मंगलबार भने प्रतितोला १० रुपैयाँले बढ्दै ९ सय रुपैयाँ कायम भएको छ । महासंघका अनुसार चाँदीको यो मूल्य अहिलेसम्मकै उच्च हो ।