मेचीनगर । मंगलबार मेचीनगर २ स्थित बौद्धमोडमा रहेको बौद्धमोड कृषि सहकारी संस्था लिले आफ्नो १४औं बार्षिक साधारणसभा सम्पन्न गरेको छ ।

संस्थाका अध्यक्ष नरेन्द्र काफ्लेको अध्यक्षतामा आयोजना भएको कार्यक्रममा प्रमुख अतिथिको रुपमा मेचीनगर वडा नम्बर २ का अध्यक्ष दिपक बराल रहेका थिए ।

उद्घघाटन सत्रमा बोल्दै वडाध्यक्ष बरालले पछिल्लो समय आर्थिक तरलताले समस्या सृजना गरिरहेको अवस्थामा पनि बौद्धमोड कृषि सहकारी संस्थाले आफ्नो सदस्यहरूलाई सहजरूपमा आर्थिक कारोबारलगायतका सेवाहरू प्रदान गर्दै आएकोमा संस्थाको यस कार्य प्रशंसनीय रहेको बताए । उनी भन्छन् ‘ग्रामीण क्षेत्रको आर्थिक अवस्था उकास्न सहकारी संस्थाले खेलेको भूमिका महत्त्वपूर्ण छ ।’

कार्यक्रममा कृष्णथुम्की कृषि सहकारी संस्थाका अध्यक्ष हिक्मत क्षेत्रीलगायतका अतिथिले शुभकामना मन्तव्य राखेको कार्यक्रममा छविलाल काफ्ले, भिम चम्लागाई, पूर्णबहादुर खड्का,अग्निप्रसाद आचार्यलगायतको आतिथ्यता रहेको थियो ।

१४औं बार्षिक साधारणसभाको अवसरमा संस्थाले विभिन्न व्यक्तित्वहरूलाई सम्मान समेत गरेको छ । सम्मानित हुनेहरूमा कार्यक्रममा संस्थाको उत्कृष्ट बचतकर्तातर्फ अशोक कार्की र अमिन मगर, असल ऋणीतर्फ केशर तामाङ र साने तामाङ, जेष्ठ नागरिकतर्फ देवीप्रसाद सुवेदी र भिमप्रसाद दुलाल, उत्कृष्ट कृषकतर्फ विरेन सारू र साविक बाहुण्डाँगी क्षेत्रको सामुदायिक विद्यालयबाट एसईईमा उत्कृष्ट नतिजा ल्याउन सफल उत्सव खनाललाई संस्थाको तर्फबाट दोसल्ला ओढाएर नगदसहित सम्मान पत्रले सम्मान गरिएको संस्थाले जनाएको छ ।

संस्थाका लेखा सिमित संयोजक पोषककुमार दर्जीले आर्थिक प्रतिवेदन प्रस्तुत गरेको कार्यक्रममा सञ्चालन समिति सदस्य यमकुमार सुब्बाले स्वागत तथा संस्थाका व्यवस्थापक हेमन्त मोक्तानले सञ्चालन गरेका थिए ।

व्यवस्थापक हेमन्त मोक्तानका अनुसार संस्थाले आज नै नयाँ कार्यसमिति चयनसमेत गर्ने छ ।