काठमाडौं । नेकपा एमालेको झन्डा जलाएको आरोपमा प्रहरीले थप दुई जना रास्वपाका कार्यकर्ताहरुलाई पक्राउ गरेको छ ।

पक्राउ पर्नेमा दाङको तुलसीपुर उपमहानगरपालिका–४, हलवारका ३० वर्षीय रमेश रानामगर र तुलसीपुर–६, गाइडरका २४ वर्षीय विक्रम परियार रहेका प्रहरी प्रधान कार्यालयले जानकारी गराएको छ । यही फागुन ७ गते करिब साढे ९ बजे तुलसीपुर–५, वीरेन्द्रचोकमा एमालेको चुनाव चिह्न सूर्यअंकित झन्डा जलाइएको थियो ।

झन्डा जलाएको आरोमा शुक्रबार (फागुन ८) प्रहरीले तुलसीपुर–७, कालाखोलाका ५५ वर्षीय बुद्धिबहादुर बस्नेतलाई पक्राउ गरेको थियो । पक्राउ गरिएका तीनै जनामाथि थप अनुसन्धान भइरहेको प्रहरीले जनाएको छ ।

घटनामा संलग्न अरू सम्भावित व्यक्तिहरूको खोजीकार्य जारी रहेको प्रहरीले जानकारी गराएको छ ।