बिर्तामोड । पर्यटनको भर्जिनल्याण्डको रुपमा रहेको कोशी प्रदेशलाई चिनाउने उद्देश्यले झापामा कोशी–बंगाल सांस्कृतिक तथा पर्यटन उत्सव – २०८२ आयोजना गरिएको छ ।

झापाको बिर्तामोडमा मंगलवारदेखि सुरु हुने कार्यक्रम ‘सीमापार संस्कृति सम्पदा र पर्यटनको उत्सव’ भन्ने मूल नाराका साथ चैत २४ र २५ गते आयोजना हुन लागेको कोशी–बंगाल सांस्कृतिक तथा पर्यटन उत्सव २०८२ को तयारी पूरा भएको हो ।

बिर्तामोडमा आयोजना हुने कार्यक्रम पर्यटन कार्यालय काँकडभिट्टाको प्रवद्र्धनमा हुन लागेको र यस उत्सवले नेपाल र भारतको बंगाल क्षेत्रबीच सांस्कृतिक आदान–प्रदान तथा पर्यटन प्रवद्र्धनमा टेवा पु¥याउने अपेक्षा गरिएको बिर्तामोडमा पत्रकार सम्मेलन गरी जानकारी दिइएको छ । कार्यक्रमबाट नेपालको पर्यटन क्षेत्र सुरक्षित रहेको, बंगाल र कोशीबीचको पर्यटन तथा सांस्कृतिक सम्बन्ध विस्तार हुने विश्वास लिइएको छ ।

उत्सव आयोजक समितिकी संयोजक इन्दिरा श्रेष्ठले निजी क्षेत्रलाई प्रवद्र्धन गर्ने उद्देश्यले कार्यक्रम आयोजना गरिएको जानकारी दिइन् । उनले कोशी प्रदेशलाई बंगालसँग पर्यटन र संस्कृतिका माध्यमबाट जोड्ने प्रयासस्वरूप यस्तो महोत्सव आयोजना गरिएको हो ।

पर्यटन कार्यालयका प्रमुख छविलाल खतिवडाले उत्सवमा नेपालका १८ वटा र बंगालका १२ वटा स्टल गरी जम्मा ३० वटा स्थल रहने बताएका छन् । ती स्टलहरूमा स्थानीय खाद्य सामग्री, हस्तकला, तथा पर्यटनसँग सम्बन्धित सामग्रीहरू प्रदर्शन गरिनेछ । उत्सवमा टुर तथा ट्राभल व्यवसायी, होटल तथा होमस्टे सञ्चालकहरूको सहभागिता रहनेछ भने उनीहरूको सेवा र प्याकेजहरूको मार्केटिङसमेत गरिनेछ । साथै फोटो तथा चित्रकला प्रदर्शनी, सांस्कृतिक नृत्य तथा विविध प्रस्तुति कार्यक्रमहरू पनि समावेश गरिने आयोजकले जनाएको छ ।

आयोजकका अनुसार यस महोत्सवले सीमापार पर्यटन प्रवद्र्धन, स्थानीय उत्पादनको बजारीकरण र सांस्कृतिक सम्बन्ध सुदृढ बनाउन महत्वपूर्ण भूमिका खेल्ने विश्वास गरिएको छ । बिर्तामोडमा आयोजित पत्रकार सम्मेलनमा होटल ब्यवसायी संघ झापाका महासचिव शिव पौडेल, सदस्य सचिव निरोज कट्टेल, लेखा अधिकृत इश्वरीकुमार पौडेल, होमस्टे (घरवास) महासंघ नेपालका महासचिव मन्जिल देवान लगायतले आ–आफ्नो धारणा राखेका थिए । कार्यक्रमको सहजीकरण आयोजक समितिका सदस्य एवम् पर्यटन पत्रकार बिनोद पाण्डेले गरेका थिए ।