बिर्तामोड । झापाको बाह्रदशीमा थप १ जनामा कोरोना पुष्टि भएको छ । बाह्रदशी ३ का एक पुरुषमा संक्रमण पुष्टि भएको हो । उनी गत शुक्रवार दिल्लीबाट आएका थिए । बाह्रदशी राधानगर टोलका पुरुषमा संक्रमण पुष्टि भएपछि उनलाई उपचारका लागि विराटनगर लगिएको छ । उनी बाह्रदशी आएर क्वारेन्टाइन बसेका थिए ।

यो सँगै बाह्रदशीमा संक्रमितको संख्या २ पुगेको छ भने झापामा कुल संक्रमित ३७ जना पुगेका छन् । यसमध्ये २ जना उपचारपछि घर फर्किएका छन् ।