बिर्तामोड । झापामा थप ५ जनामा कोरोना संक्रमण पुष्टि भएको छ । झापाको भद्रपुरका ३ र कचनकवलका २ जना व्यक्तिमा कोरोना पुष्टि भएको स्वास्थ्य मन्त्रालयले जनाएको छ । यो सँगै झापामा संक्रमितको संख्या १२३ पुगेको छ । उनीहरुको धरान र विराटनगरमा कोरोना परीक्षण गरिएको थियो ।

यस्तै, थप १ जनाको कोरोना संक्रमणका कारण मृत्यू भएको छ । पाल्पाको पूर्वखोला गाँउपालिका १ सिलुवाका ४० बर्षीय पुरुषको कोरोना संक्रमणबाट मृत्यु भएको पुष्टि भएको थियो । उनको पाल्पाको मिसन अस्पतालको आइसोलेसन कक्षमा तीन दिनअघि मृत्यु भएको थियो ।