झापाका ४ सहित थप १४४ जनामा कोरोना पुष्टि
बिर्तामोड । झापाका ४ जना सहित पछिल्लो २४ घण्टामा १४४ जनामा कोरोना संक्रमण पुष्टि भएको छ । यो सँगै देशभर कुल संक्रमतिको संख्या १६ हजार ९ सय ४५ पुगेको छ । झापामा कुल संक्रमितको संख्या ३०५ पुगेको छ ।
प्रदेश १ को क्वारेन्टाइनमा २ हजार ५ सय ३६ रहेका छन् भने आइसुलेशनमा १८३ जना उपचाररत रहेको स्वास्थ्य मन्त्रालयले जनाएको छ । हालसम्म डिस्चार्ज हुनेको संख्या १० हजार २९४ छ । कुल संक्रमित संख्याको ६०.७ प्रतिशत व्यक्तिको डिस्चार्ज भएको स्वास्थ्य मन्त्रालयले जनाएको छ । देशभर ६ हजार ६१३ जना आइसुलेशनमा उपचार गरिरहेका छन् ।