झापाका ३५६ जना कोरोना संक्रमित उपचारपछि घर फर्के
बिर्तामोड । झापा गाउँपालिका र मेचीनगरपालिकाका १/१ जना गरी दुई जना उपचारपछि आज घर फर्किएका छन् । झापामा उपचारपछि घर फर्किनेको संख्या जम्मा ३५६ पुगेको छ ।
बुधबारसम्म भद्रपुरका १०, मेचीनगर ७९, बिर्तामोड ७, कनकाई १२, अर्जुनधारा १४, दमक १०, गौरादह ११, शिवसताक्षी ६, बुद्धशान्ति १७, हल्दिवारी १२, कचनकवल १३५, कमल २, गौरीगञ्ज २२, बाह्रदशी १३ र झापाका ६ जना उपचारपछि घर फर्किएको जिल्ला जनस्वास्थ्य कार्यालय झापाका फोकल पर्सन जीवन चौलागाईले जानकारी दिए । झापामा आजसम्म संक्रमितको संख्या ४ सय ५० पुगेको छ । ६० जना कोरोना संक्रमित उपचाररत रहेका छन् ।