गौरीगञ्जमा पनि देखियो समुदायस्तरमा कोरोना
आत्मराम राजवंशी
गौरीगञ्ज । गौरीगञ्ज गाउँपालिकामा पहिलो पटक समुदायस्तरमा आज कोरोनाको संक्रमण फैलिएको पुष्टि भएको छ ।
गौरीगंज गाउँपालिका वार्ड नं. ६ घर भएका ३० बर्षीय पुरूषमा कोरोना संक्रमण भएको स्वास्थ्य शाखा प्रमुख राम चन्द्र मिश्रले जानकारी दिए । गौरीगंज गाउँपालिकाको समन्वय र उद्योग वाणिज्य संघ गौरीगंजको आयोजनामा दोस्रो चरणमा ६१ जनाको स्वाव संकलन गरी पीसीआर परिक्षण गर्दा १ जना व्यापारीमा कोरोना संक्रमण पुष्टि भएको हो । पुष्टिभएसंगै गौरीगंज क्षेत्रमा जोखिम बढेको छ ।
संक्रमित व्यक्ति स्थानिय व्यापारी रहेको बुझिएको छ । साउन ३२ गते आईतवार उद्योग वाणिज्य संघ गौरीगंजले स्थानिय व्यापारी र ईच्छुक सर्वसाधारणको स्वाव संकलन गरि विराटनगरस्थित कोशी कोरोना अस्पतालमा पठाएको थियो । समुदायमा कोरोना देखिएपछि गौरीगंज गाउँपालिकाको आपतकालिन वैठक बसिरहेको छ । उनको सम्पर्कमा आएकाहरूको कन्ट्रयाक ट्रेसिङ्ग गर्ने , गौरीगंजको बजार क्षेत्र सिल गर्ने र गौरीगंज क्षेत्र आवतजावतमा निषेध गरिने विषयमा निर्णय गरिने जनाईएको छ ।