कनकाईमा अनिश्चितकाल ‘लकडाउन’
सुरुङा । कनकाई नगरपालिकाले भदौं ५ गतेसम्मलाई गरेको आंशिक लकडाउन थप गरेको छ । नगरको आज सम्पन्न बैठकले पुरानो व्यवस्थालाई फेरबदल गरी अनिश्चितकालिन बन्दको निर्णय गरेको छ ।
कोरोना संक्रमण तीब्र रुपमा फैलिरहेकोले थप सतर्कताका लागि समय थप गरिएको प्रमुख प्रशासकीय अधिकृत रुद्र नेउपानेले जानकारी दिए । उनका अनुसार साप्ताहिक हाट बजार अनिश्चितकालिन बन्द गरिएको छ । यस्तै, अन्य व्यवसायिक क्षेत्र, बैंक तथा वित्तीय संस्थाहरु विहान १० देखि ३ बजेसम्मका लागि खुल्ला गर्ने निर्णय भएको नेउपानेले जानकारी दिए । निश्चित समयका लागि खुल्ला गरिएका क्षेत्रमा अनिवार्य स्वास्थ्य सुरक्षाका मापदण्ड पुरा गर्न नगरपालिकाले आग्रह गरेको छ ।
कनकाई नगरपालिकाको कोरोना भाइरस रोकथाम तथा नियन्त्रण समितिले नगरका कुनै पनि क्षेत्रमा भीडभाड नगर्न नागरिकहरुमा अपील गरेको छ । निर्णय विपरित पसल खुल्ला गरेमा संक्रमक रोग ऐन २०२० तथा अन्य प्रचलित कानुन बमोजिम कारवाही गरिने बताइएको छ ।