बिर्तामोड । पछिल्लो २४ घन्टामा नेपालमा थप ८३८ जनामा कोरोना भाइरसको संक्रमण देखिएको छ । देशभर कोरोना संक्रमितको संख्या ३० हजार ४८३ पुगेको छ भने झापाको संक्रमित संख्या ४८२ पुगेको छ ।

पछिल्लो २४ घण्टामा थप २५० जना कोरोना संक्रमणमुक्त भएका छन्। योसहित नेपालमा हालसम्म १८ हजार २१४ उपचारपछि निको भएका छन् । नेपालमा हालसम्म १३१ जना कोरोना संक्रमितको मृत्यु भएको छ ।

शुक्रवारसम्म झापामा संक्रमितको संख्या ४७५ पुगेको थियो । त्यसमध्ये ३८४ जना उपचारपछि घर फर्किएका छन् । ९१ जना अझै उपचाररत रहेको स्वास्थ्य कार्यालय झापाले जनाएको छ ।