वैदेशिक कसुर मुद्धामा सुरुङाका उप्रेती कारागार चलान
विर्तामोड । वैदेशिक कसुर मुद्धामा कनकाई नगरपालिका –३ सुरुङाका सौरभ उप्रेतीलाई कारागार चलान गरिएको छ । उनलाई झापा जिल्ला अदालतले फैसला कार्यान्वयनको लागि जिल्ला कारागार भद्रपुर चलान गरेको हो ।
वैदेशकि रोजगार न्यायाधिकरणको ०७४ साल असार ६ गतेको वैदेशिक कसुर मुद्धामा १ वर्ष ६ महिना कैद र डेढ लाख जरिवाना तोकिएको थियो । कैद र जरिवाना सुनाएपछि उप्रेती फरार भएका थिए । सुरुङा घर भई काठमाडौं बस्दै आएका उनलाई जिल्ला प्रहरी कार्यालय र इप्रका सुरुङाको टोलीले घरबाटै गत २४ गते पक्राउ गरेको झापाका प्रहरी प्रवक्ता राकेश थापाले जानकारी दिए ।