झापाका पुराना कम्युनिष्ट नेता कुन्दन भट्टराईको निधन
विर्तामोड । नेपाल कम्युनिष्ट पार्टी (नेकपा) झापाका पुराना नेता कुन्दन भट्टराईको निधन भएको छ । उनको काठमाडौंस्थित अस्पतालमा उपचारको क्रममा आज साँझ निधन भएको हो । केहि समयदेखि क्यान्सर रोगबाट पीडित नेता भट्टराईलाई एयर एम्बुलेन्सबाट उपचारका लागि काठमाडौं लगिएको थियो ।
क्यान्सरको उपचार गराइरहेका भट्टराईलाई स्वास प्रश्वासमा समस्या भएपछि काठमाडौं लगिएको थियो । भट्टराईलाई कोरोनाको संक्रमण समेत भएको बताइएको छ । झापा अर्जुनधारा–५ निवासी भट्टराई झापा बाम आन्दोलनका नेताका रुपमा परिचित थिए ।