काठमाडौँ । नेपाल कम्युनिस्ट पार्टी (एमाले)ले असार मसान्तभित्र सदस्यता नवीकरण गर्न र नयाँ सदस्यता आवेदन टुङ्ग्याउन निर्देशन दिएको छ । पार्टी सदस्यता नवीकरण तथा नयाँ पार्टी सदस्यहरूको आवेदन फारम भरी अद्यावधिक गरी प्रदेश सङ्गठन कार्यालयमा पठाइसक्न मातहतका कमिटीलाई निर्देशन दिएको हो।

एमालेले मङ्सिर २ गतेदेखि ६ गतेसम्म १० औँ महाधिवेशन गर्ने योजना तय गरेको छ । महाधिवेशन लक्षित गरेर सदस्यता नवीकरण थालिएको बताइएको छ ।

हाल एमाले दुई समूहमा विभाजित छ । यसअघि एमालेका करिब पाँच लाख क्रियाशील सङ्गठित सदस्य रहेको जनाइएको छ । आन्तरिक विवादका कारण एमाले अहिले विभाजनको सङ्घारमा पुगेको छ ।

अध्यक्ष ओली केपी ओलीप्रति असन्तुष्ट झलनाथ खनाल र माधवकुमार नेपाल समूहले अदालतको फैसलाअनुरूप जेठ २ कै संरचनाअनुसार पार्टी सञ्चालन हुनुपर्ने अडान राखिरहेको छ ।