बिर्तामोड । झापाको बाह्रदशीमा बालकको शव फेला परेको छ । प्रहरीका अनुसार सो शव बाह्रदर्शी –२ बस्ने रोहित मलिकको ११ वर्षीय छोरा सागर मलिकको हो ।

सोहि ठाउँका सन्तोष मलिकका १२ वर्षीय छोरा बादल मलिक र सागर मलिक घरबाट साईकलमा खेल्न भनी हिडेको थिए । स्थानीय घाग्रा खोलाको किनारमा साईकल र लगाएको कपडा फेला परेको हुँदा प्रहरीले खोजी गर्दा बाह्रदर्शी –१ सिप्ताबारी नजिक बिरीङ खोलामा (साईकल तथा कपडा फेला परेको स्थान भन्दा ८/९ किमि दक्षिण) मा आज विहान ८ बजे सागरको शव भेटिएको प्रहरलिे जानकारी दिएका छन् ।

उनीसँगै वेपत्ता रहेका बादल मलिक भने फेला नपरेको प्रहरीले जानकारी दिएका छन् । उनको खोजी कार्य भइरहेको छ ।