बिर्तामोड । सहारा नेपाल साकोसले बुद्धशान्तिको एक परिवारलाई कर्जा मिनाह गरेको छ । कोरोना संक्रमणका कारण निधन भएको परिवारलाई सहारा नेपालले कर्जा मिनाह गरेको हो ।

झापा बुद्धशान्ति –३ कि पुर्णमाया लिम्बुको सम्पूर्ण कर्जा मिनाहा गरेको सहारा नेपालले जनाएको छ । उनको कोरोनाका कारण मृत्यु भएको थियो । सहारा नेपालले कर्जा मिनाहा गर्दै मृतक लिम्बुको श्रीमान प्रदिप राईलाई मंगलवार १ लाख ८० हजार ८ सय १० रुपैयाँको चेक हस्तान्तरण गरिएको बुधबारे सेवा केन्द्रका प्रमुख सागर ओझाले जानकारी दिए ।