घाँस काट्न गएका भुजेल जामुनखाडी सिमसार क्षेत्रमा मृत फेला
बिर्तामोड । गत मंसीर २७ गतेदेखि हराइरहेका ७८ वर्षीय वृद्ध सुरुङाको जामुनखाडी सिमसार क्षेत्रमा मृत अवस्थामा फेला परेका छन् । प्रहरीले कनकाई –२ का कृष्ण बहादुर भुजेललाई बुधबार मध्यान्नतिर मृत अवस्थामा फेला पारेको हो ।
घरबाट घाँस काट्न भनेर हिडेका भुजेल घर नफर्किएपछि खोजी गर्ने क्रममा मृत अवस्थामा फेला परेका हुन् । भुजेल फेला परेको ठाउँमा हात्तीले कुल्चिएको जस्तो देखिएको प्रहरीको भनाई छ । मृत अवस्थामा फेला परेका भुजेलको करङ समेत भाँचिएको देखेपछि हात्तीले नै मारेको हुन सक्ने अनुमान गरिएको छ । घोप्टो परेको अवस्थामा फेला परेका भुजेललाई पोष्टमार्टमका लागि मेची अस्पताल भद्रपर पठाइएको झापा प्रहरीले जनाएको छ । प्रहरीका अनुसार भुजेलको हात्तीकै आक्रमणबाट मृत्यु हुन सक्ने प्रारम्भिक अनुसन्धानबाट खुलेको छ ।