मेचीनगरमा बाथ रोग सम्बन्धी शिविर
मेचीनगर । झापाको मेचीनगरमा १ दिने निशुल्क बाथ रोग सम्बन्धी शिविर सम्पन्न भएको छ । स्थानीय मखमली महिला बचत तथा ऋण सहकारी संस्था लि.को आयोजनामा शिविर सञ्चालन भएको हो । शिविरबाट ५७ जनाले सेवा लिएका छन् ।
नेशनल बाथ रोग सेन्टर बिर्तामोडको प्रायोजनमा आयोजित शिविरमा परीक्षणसँगै औषधि समेत वितरण गरिएको थियो । नेशनल बाथ रोग सेन्टर काठमाडौं रातपुलको डा. मनिषा भोछिभोयाले निशुल्क परीक्षण गरेको बिर्तामोड सेन्टरका निर्देशन तुलसी उप्रेतीले जानकारी दिए । डा. भोछिभोयाले बाथ रोग बारे सर्वसाधरणलाई जानकारी समेत दिएकी थिइन् ।
शिविरमा मखमली महिला बचत तथा ऋण सहकारी संस्थाकी अध्यक्ष राधा देवी प्रधानले शुभकामना मन्तव्य राखेकी थिइन् ।