जलथल जङ्गलबाट तीनथान भरुवासहित एक पक्राउ
बिर्तामोड । बन कार्यालय जलथलको गस्ती टोलीले तीनथान भरुवा बन्दुक सहित एकजनालाई पक्राउ गरेको छ ।
गस्तीमा रहेको बनको टोलीले हल्दिवारी गाउँपालिका-५ का गुप्तबहादुर फागो सहितका समुहबाट तीनथान भरुवा बन्दुक फेला पारेको रेञ्जर दिपकसेन भण्डारीले जानकारी दिए ।
बन्यजन्तु चोरी सिकार गर्नका लागि चारजनाको सख्यामा चारकोसे जङगल पुगेका उनिहरु बन कार्यालयको गस्ती टोलि देखेपछि भाग्ने प्रयास गरेका थिए । भाग्ने क्रममा एकजनालाई नियन्त्रणमा लिएको भण्डारीले जानकारी दिए ।
पक्राउ परेका फागोमाथि अनुसन्धान भईरहेको छ । फरार रहेका तीनजनाको पहिचान भईसकेको भण्डारीले बताए । उनिहरुको खोजतलास तिब्र पारिएको छ ।