पकड क्षेत्रमा शेरबहादुरको अग्रता कायमै
बिर्तामोड । कनकाई नगरपालिकाको प्रारम्भिक मतपरिणाममा स्वतन्त्र उम्मेद्वार शेरबहादुर थापा अगाडि देखिएका छन् । कांग्रेसमा विद्रोह गरेका थापाले पहिलो चरणको परिणाममा कांग्रेसलाई तेस्रो बनाएका छन् ।
वडा नं. ८ र ९ को मत गणना भइरहेको स्थानीय पत्रकारले जानकारी दिएका छन् । वडा नं. ८,९ र ५ थापाको पकड क्षेत्र पनि मानिन्छ । सो वडामा पर्ने लक्ष्मीपुर, चप्रामारी र घैलाडुब्बाबाट थापाले एमाले र कांग्रेसलाई पछि पारेका छन् ।
नेपाली कांग्रेसमा ४ दशक राजनीति गरेका थापाले पार्टीबाट टिकट नपाएपछि राजीनामा दिदैं स्वतन्त्र उम्मेद्वारी दिएका थिए । उनलाई नेकपा समाजवादी र माओवादी समेतले साथ दिएका छन् । थापाको उम्मेद्वारीले नेपाली कांग्रेसलाई क्षति हुन सक्ने आँकलन गरिएको छ ।