अर्जुनधाराको मेयरमा एमालेका बलदेव र उपमेयरमा खड्गमाया निर्वाचित
बिर्तामोड । अर्जुनधारा नगरपालिकाको मेयर र उपमेयरमा नेकपा एमालेका उम्मेद्वार विजयी भएका छन् । एमालेका मेयरका उम्मेद्वार बलदेव गोम्देन र उपमेयरमा खड्गमाया पराजुली निर्वाचित भएका हुन् ।
मत गणना सम्पन्न भइसकेकाले केहिवेरमा औपचारिक घोषणाको तयारी भइरहेको पत्रकार नन्दलाल खतिवडाले जानकारी दिए । अर्जुनधारामा वडा नं. १ देखि ६ नं. सम्म र वडा नं. ९ मा नेपाली कांग्रेसले वडाध्यक्ष जितेको छ भने एमालेले वडा नं. ७, ८, १० र ११ जितेको छ । अर्जुनधारामा एमालेले बहुमत जीत हासिल गरेको छ ।