झापा २ बाट रानाले स्वतन्त्र उम्मेदवारी दिने
बिर्तामोड । एमाले नेता हरि रानाले झापा क्षेत्र नम्बर २ बाट स्वतन्त्र उम्मेदवारी दिने भएका छन् । उनले अनौपचारिक रुपमा एमाले परित्याग गरेको घोषणा गरेका छन् ।
प्रदेशमा टिकट मागेका रानाले टिकट नपाएपछि यस्तो निर्णय लिएका हुन् । एमालेबाटै २ पटक शनिश्चरे गाबिसको अध्यक्ष र एक पटक अर्जुनधाराको मेयर जितिसकेका उनको निर्णयलाई आश्चर्यजनक मानिएको छ ।
निवर्तमान मेयर रानाको स्वतन्त्र उम्मेद्वारीमा गठबन्धनले सहयोग गर्ने बुझिएको छ ।