बिर्तामोड नगर प्रमुखद्वारा निर्माणाधिन पुलको अनुगमन
बिर्तामोड । बिर्तामोड नगरपालिका वडा नम्बर ७ र ८ को सीमाना रेखा खोलामा निर्माण हुँदै गरेको पुलको अनुगमन गरीएको छ ।
नगरप्रमुख पवित्रा महतारा प्रसाई, उपप्रमुख नगेन्द्र प्रसाद संग्रौला, वडा नम्बर ८ का वडासदस्य अग्निप्रसाद सिटौलालगायतको टोलीले आज अनुगमन गरेको हो ।
बिर्तामोड नगरपालिका वडा नम्बर ४ मा रहेको एन.के कन्ट्रक्सन कम्पनीले ३७ लाख ७३ हजार ३१९ रुपैँया ५९ मा पुल निर्माणको ठेक्का पाएको छ । पुल ९ दशमलव २० मिटर लम्बाई र ६ मिटर चौडाइको बन्ने छ ।
बिर्तामोड नगरपालिकाले नगर क्षेत्र भित्र निर्माण भईरहेका बिकास निर्माणका कार्यहरुको प्रत्यक्षरुपमा कडाईका साथ अनुगमन गर्दै आएको छ ।