झापामा ५२ प्रतिशतले खाए हात्तीपाइले विरुद्धको औषधि, बिर्तामोड सबैभन्दा धेरै
बिर्तामोड । झापामा ५ लाख ३३ हजार ७ सय नौ जनाले हात्ती पाइले रोग विरुद्धको आम औषधि सेवन गरेका छन् । आठ दिनमा स्वास्थ्य कार्यालय झापाका अनुसार ५२.७६ प्रतिशतले आम औषधि सेवन गरेका हुन् ।
१० लाख ११ हजार ६४८ जनालाई आम औषधि सेवन गराउने लक्ष्य राखिएको थियो ।
जिल्लामा सबैभन्दा धेरै बिर्तामोडमा ७४.४७ प्रतिशतले औषधि सेवन गरेका छन् । शिवसताक्षीमा सबैभन्दा कम ३१.५५ प्रतिशतले औषधि सेवन गरेको स्वास्थ्य कार्यालय झापाले जनाएको छ ।