श्रावण २१, २०७७ बुधबार

कविता – आमाको मन

यो आकाश
यो धर्ती
यो जनजीवन
कस्तो राम्रो लाग्छ
जब आमा मुस्कुराउछिन्

आमाकै तारिफमा
कति कविले
कविता लेखे
गजल लेखे
संगीत भरे
तैपनि आमाको सौन्दर्य
अझै सृष्टिमा घटेको छैन
हो कति पवित्र छ

आमाको निस्वार्थ प्रेम
कति अनुपम छ
आमा भन्छिन्
आमा बन्न कठिन छ
कहिले उकालो चढनु पर्ने
कहिले ओरालो झर्नु पर्ने
धर्ती जस्तो सहनु पर्ने
त्यसैले ऊनी भन्छिन्
आमा बन्न कहाँ सजिलो छ ?

जस्तोसुकै वेदना खेपे पनि
कष्ट गरे पनि
छोराछोरीको निमित्त
ऊनी मरेहत्ते गरिरहेकी हुन्छिन्
त्यो भएर आमाको मन ठुलो हुन्छ ।

अमित संग्रौला , बिर्तामोड (हाल दुबई )

प्रतिक्रिया दिनुहोस्

इजलास डटकम

बिर्तामोड,झापा
सम्पादक – प्रदीप परियार
दर्ता नम्बर : १६९६५४/७३/०७४
टाइम्स मिडिया नेटवर्क प्रालिद्वारा प्रकाशित ‘इजलास दैनिक’को आधिकारिक वेबसाइट