बिर्तामोड । झापामा बिहीवार थप ३०६ जनामा कोरोना पुष्टि भएको छ । स्वास्थ्य कार्यालय झापाका अनुसार थप ६ जना संक्रमितले ज्यान गुमाएका छन् । योसँगै झापामा कोरोना संक्रमणका कारण ज्यान गुमाउनेको संख्या ४१७ पुगेको छ ।

स्वास्थ्य कार्यालय झापाका अनुसार सबैभन्दा धेरै दमकमा ६८ जनामा कोरोना पुष्टि भएको छ । जिल्लामा हालसम्म १६ हजार ४ सय ५५ जनामा कोभिड पुष्टि भएको छ भने १४ हजार ३ सय ६९ जना डिस्चार्ज भइसकेका छन् । बिहीवार २०२ जना डिस्चार्ज भएको स्वास्थ्य कार्यालय झापाले जनाएको छ ।