ताप्लेजुङ – २०८२ सालको असोज महिनामा ताप्लेजुङस्थित पाथीभरा मन्दिरमा २९ हजार १ सय ७४ जना दर्शनार्थीले मन्दिरको दर्शन गरेका छन्।

असोज महिनामा ३३ लाख ८२ हजार रुपैयाँ भेटि गणना भएको पाथीभरा क्षेत्र विकास समितिका कार्यकारी निर्देशक प्रजिन हाङवाङले जानकारी दिए।

क्षेत्र विकास समितिले असोज १२ गते २ लाख ७९ हजार,२७ गते १० हजार र असोज ३१ गते ३० लाख ९३ हजार गरी कुल ३३ लाख ८२ हजार रुपैयाँ क्षेत्र विकास समितिको नेपाल बैंक लिमिटेड ताप्लेजुङ शाखाको खातामा जम्मा गरिएको जनाएको छ।