काठमाडौं, २२ असोज । पोखराको लिची बगान जग्गा घोटाला प्रकरणमा दुई पूर्वमन्त्रीसहित सात जनाविरुद्ध अख्तियार दुरुपयोग अनुसन्धान आयोगले भ्रष्टाचार मुद्दा दायर गरेको छ।

मुद्दामा एमाले नेता तथा पूर्वमन्त्री राजकुमार गुप्ता र नागरिक उन्मुक्ति पार्टीकी अध्यक्ष तथा पूर्वमन्त्री रञ्जिता श्रेष्ठसहित सात जनालाई प्रतिवादी बनाइएको हो।

अख्तियारले विशेष अदालतमा दायर गरेको मुद्दामा करिब ७८ लाख रुपैयाँ बिगो दाबी गरिएको छ। गुप्ताले बिचौलियासँग घुस डिल गरेको अडियो सार्वजनिक भएपछि अख्तियारले अनुसन्धान अघि बढाएको हो।

गुप्ता पूर्वप्रधानमन्त्री केपी शर्मा ओली नेतृत्वको सरकारमा सामान्य प्रशासन मन्त्री र श्रेष्ठ प्रचण्ड नेतृत्वको सरकारमा भूमि व्यवस्थामन्त्री थिइन्।