काठमाडौं । राष्ट्रिय स्वतन्त्र पार्टी (रास्वपा) जुम्लाकी उपसभापति तारा शाही नेपाली कांग्रेसमा फर्किएकी छन् ।

शाहीलाई कांग्रेसकी केन्द्रीय सदस्य रामुदेवी खड्काले खादा र अबिर लगाएर पार्टीमा स्वागत गरेकी हुन् । शाहीको कांग्रेस प्रवेशले पार्टीलाई थप ऊर्जा मिलेको खड्काले बताइन् ।

रास्वपाको आन्तरिक गतिविधि र राजनीतिक दिशाप्रति असन्तुष्टि जनाउँदै शाही कांग्रेसमा फर्किएकी हुन् । शाही चन्दननाथ नगरपालिका–५ की बासिन्दा हुन् । शाही कांग्रेसबाटै रास्वपामा प्रवेश गरेर उपसभापति बनेकी थिइन् ।