बैशाख ६, २०८२ शनिबार

चन्द्रगढीले उचाल्यो फुटबलको उपाधि

भद्रपुर । जिल्लास्तरीय नकआउट फुटबल प्रतियोगिताको उपाधि चन्द्रगढी फुटबल क्लवले उचालेको छ । ख्रिष्टमस– २०१९ र नव बर्ष सन् २०२० को अवसरमा बिलिभर्स इष्टर्न चर्च भद्रपुरद्धारा आयोजित प्रतियोगितामा भीमनगर फुटबल क्लव भद्रपुरलाई शुन्यको विरुद्ध एक गोलले स्तब्ध बनाउँदै चन्द्रगढीले उपाधि चुमेको हो । उपाधि चुमेसँगै चन्द्रगढीले नगद ३० हजारसहित ट्रफि र मेडल पाएको छ । उपविजेतामा चित्त बुझाएका भीमनगरले नगद २० हजासहित ट्रफि र मेडल पाएको छ ।

भद्रपुर माविको खेल मैदानमा सोमवार भएको फाइनल खेलमा भीमनगरमाथि चन्द्रगढीले संर्घषपूर्ण जित निकाल्दै उपाधि कब्जा गरेका थिए । पहिलो हाफको ९ औं मिनेटमा चन्द्रगढीका मित्र बस्नेतले गोल गर्दै टिमलाई अग्रता दिलाए । दोस्रो हाफमा भीमनगरले गोल गर्न निक्कै संर्घष गरे पनि चुके । चन्द्रगढीका बस्नेतकै गोल उपाधिका लागि निर्णायक बन्यो । खेलको म्यान अफ द म्याच चन्द्रगढीका श्याम मुर्मु घोषित भए ।

उनलाई ट्रफि र नगदसहित पुरस्कृत गरिएको थियो । त्यसैगरी प्रतियोगितामा उत्कृष्ट खेलाडी भीमनगरका क्षितिस राई, उत्कृष्ट गोलकर्ता बिलिभर्स इष्टर्न चर्च भद्रपुरका कप्तान माइकल शर्मा, इमर्जिङ प्लेयर भद्रपुरकै उदय कामती घोषित भए । उनीहरुलाई ट्रफिसहित प्रदान गरिएको थियो । त्यस्तै चन्द्रगढी भेट्रान्स क्लव र भीमनगर भेट्रान्स क्लव बीच भएको मैत्री पूर्ण खेलमा चन्द्रगढी भेट्रान्स क्लव विजयी भएको छ । भीमनगरलाई एकको विरुद्ध दुई गोल गर्दै चन्द्रगढी विजयी भएको थियो । चन्द्रगढीलाई नगद ५ हजारले पुरस्कृत गरिएको थियो ।

प्रकाशित मिति : मंसिर २३, २०७६ सोमबार  ७ : ०९ बजे

प्रतिक्रिया दिनुहोस्

इजलास मिडिया प्रा.लि द्वारा संचालित

कार्यालय सम्पर्क - बिर्तामोड ४,झापा
सूचना बिभाग दर्ता नं. : ३९९२- २०७९/०८०
सम्पर्क : ९८५२६४५०२८
ईमेल : [email protected]