नेपालका बलरद्वय सन्दीप लामिछाने र करण केसी सन् २०१९ मा टी-२० अन्तर्राष्ट्रिय खेलमा बढी विकेट लिने खेलाडीमा संयुक्तरुपमा शीर्ष स्थानमा रहन सफल भएका छन् ।

लेगस्पिनर सन्दीप र तीव्र गतिका बलर करणसँगै नेदरल्यान्ड्सका ब्रान्डन ग्लोभर पनि बढी विकेट लिने खेलाडीको शीर्ष स्थानमा रहेका ंछन्। 

तीनै जनाले सन् २०१९ मा २८-२८ विकेट लिएका छन् । सन्दीपले १६ खेलमा २८ विकेट लिँदा करण र ग्लोभरले १९-१९ खेलमा २८ विकेट लिएका छन्।

औषतमा पनि सन्दीपको बलिङ राम्रो छ। सन्दीपले १३.७१ को औषतमा बलिङ गर्दा ग्लोबरले १६ र करणले १७ को औषतमा बलिङ गरेका थिए।