सम्पादकीय
विभिन्न माग राख्दै प्रधानमन्त्री सुशिला कार्कीलाई भेट्न पुगेका जेनजी अभियान्ताहरुलाई सिंहदरवार प्रवेश गर्न नदिएको घटना चर्चाको विषय बनिरहेको छ । आफैले बनाएको सरकारले सिंहदरवार प्रवेशमा लगाएको अवरोधपछि जेनजीहरु आक्रोसित भइरहेका छन् । जनेजीका नाममा खुलेका अनेकौं समूहरु छन् । हरेक समूहलाई प्रधानमन्त्रीले समय दिने हो भने अन्य सबै काम प्रभावित हुने निश्चित छ । प्रधानमन्त्री कार्कीले जेनजीका मागलाई सम्बोधन गर्न कुनै विधि अपनाउनुको पनि विकल्प छैन । जेनजीहरुले उठाएको जायज मागलाई कुनै न कुनै हिसावले सम्बोधन गर्नुपर्छ ।

जेनजी अगुवा सुनद गुरुङ, मिराज ढुङगानाहरु सोमवार प्रधानमन्त्रीलाई बुझाउन लिएर गएको माग पत्र बाहिर टाँसेर हिडे । गुरुङको समूहले गोजीमै राखेर गएको सञ्चारमाध्यममा सार्वजनिक भयो । मंगलवार ढुङगानाको समूहलाई प्रहरीले लखेट्यो । निषेधित क्षेत्रमा भीडभाड गरेको भन्दै प्रहरीले तितरवितर बनाइदियो । जेनजीहरु त्यस प्रकारको व्यवहारबाट आजित भइसके । त्यसैले उनीहरुले यो सरकारप्रति आक्रोस व्यक्त गरिरहेका छन् । आक्रोसित समूहले सरकार विरुद्ध नारावाजी नै गर्न थालेको छ । आफै बनाएको सरकारले माग नसुनेपछि उनीहरु रुष्ट हुनु स्वभाविक छ । अब, जेनजीहरुले पनि आफ्नो मागलाई व्यवस्थित हिसावले राख्न जानुपर्ने देखिन्छ ।

हरेक दिन जेनजीका नाममा प्रधानमन्त्री कार्यालय जाने, माग पत्र बुझाउने काम नभएको भने होइन । तर, सधैं प्रधानमन्त्री काम जेनजीलाई मात्र सुन्ने होइन । देशको समग्र कामलाई नेतृत्व गर्ने ठाउँमा अनेक व्यवस्थापनको पाटो रहन्छ । प्रधानमन्त्रीले जेनजीका आवाजलाई सुन्नैपर्छ । त्यसका लागि सानो समूहमा जेनजीले प्रधानमन्त्रीलाई भेट गर्नुपर्छ । एउटै माग, एउटै समूह, हुलदंगा अस्वभाविक नै छ । त्यसैले जेनजीका नाममा मर्यादालाई पनि ख्याल राख्नैपर्छ । प्रधानमन्त्री कार्यालय जाने भनेपछि जेनजी युवाहरुले मर्यादित र सभ्य भएरै जानुपर्छ । जेनजीले बनाएको सरकार भन्दै मनमरी गर्न अवश्य मिल्दैन । यदि यसैगरी टकराव गरिरहने हो भने जेनजीको भावना कमजोर भएर जानेछ । जेनजीलाई हेर्ने दृष्टिकोणमा परिवर्तन आउछ । त्यसैले माग राख्न मर्यादा ख्याल गरौं, त्यसका लागि उनीहरुको नेतृत्व गर्नेहरुले सोही अनुसार आवश्यक व्यवस्गापन मिलाउन जरुरी छ ।