काठमाडौं । नेकपा (एमाले)को निर्वाचन समीक्षा तथा पार्टी पुनर्गठन कार्यदलको बैठक आज (आइतबार) बस्दैछ ।

कार्यदलको बैठक आज बिहान ९ बजे पार्टी केन्द्रीय कार्यालय च्यासलमा बस्ने तय भएको पार्टीका प्रचार तथा प्रकाशन विभाग प्रमुख निरज आचार्यले जानकारी दिए ।

कार्यदल बैठकले निर्वाचन समीक्षासम्बन्धी प्रतिवेदनलाई अन्तिम रूप दिएर सचिवालय बैठकमा पेस गर्ने बताइएको छ ।

यस्तै, आजै दिउँसो १ बजे पार्टी केन्द्रीय सचिवालयको बैठक पनि च्यासलमै बस्नेछ ।

यस्तै, पार्टीको केन्द्रीय कमिटी बैठक भोलि सोमबारदेखि (असोज ५, ६ र ७ गते) तीन दिन ललितपुरस्थित रामबाग महल भनिमण्डलमा बस्नेछ ।